Дүйшөмбү, 19.02.2018, 05:38 Кош келиңиз! Конок | RSS
Ойгон!
Сайттын өзөгү
Бөлүмдүн категориясы
ЖАШ МУУН [15]
ОРТО МУУН [14]
УЛУУ МУУН [36]
Маектешүү
200
Сурамжылоо
Сайтка баа бериңиз
Бардык жооптор: 438
Статистика

Учурда сайтта отургандар: 1
Коноктор: 1
Колдонуучулар: 0

Кыргыз акындары


Башкы бет» 2009 » Июнь » 10 » Жыргалбек КАСАБОЛОТОВ
Жыргалбек КАСАБОЛОТОВ
16:22
                                                        Арман
 
                              Жарык отун жаккым келип Теңирдин,
                              Жакшы күнгө жарык болуп себилдим,
                              Мезгилинде көп нерсени утсам да
                              Мен өзүмдөн далай жолу жеңилдим.

                              Өтөт турмуш таманында миң жолдун,
                              Өз дүйнөмдө өзүм менен бир болдум.
                             «Сунган колум сууп калбасын»  деп жүрүп,
                              Сулууларга сугумду артып тим болдум.

                              Жалдырасам жаштык мени күтпөдү,
                              Жайбаракат мүнөзүмө түтпөдү,
                              Же текөөрүм темир болуп кетпеди,
                              Же колумдан бир чоң жумуш бүтпөдү.

                              Жаш чагымдан эсте калган күн болдум,
                              Жалгыздыкта жарык күткөн түн болдум,
                              Жообун таппай жобосу көп турмуштун,
                              Жол боюнда жомок айтып тим болдум.

                              Канча бир күн жан дүйнөмө гүл чыкпай,
                              Карап-карап кала бердим унчукпай,
                              Канаттарын какпай калган жүрөгүм,
                              Карып барат капастагы чымчыктай.

                              Көздөрү өтүп көктө жылган булуттан,
                              Көңүлүндө көк чокулар турушкан,
                              Кааласа да асман бетин канчалык
                              Кантип канат шилтенээрин унуткан.

                              Муундардын муңун, сырын жазданаар,
                              Мурдагыдай асман тирейт аскалар.
                              Калтар кууган калыбынан өзгөрбөй,
                              Кадимкидей каалгып жүрөт башкалар.

                             Артык болуп ата журттун мойнуна,
                             Алыс кетсем ай-ааламдын койнуна
                             «Жаштыгына тойбой кеткен болчу» деп,
                             Жан курбулар, жакшы эскерип койгула.

                             Ага чейин балким далай көп күн бар,
                             Адамдарга асыл жарык төккүм бар,
                             Жомоктогу, жортуулдарда жеңилбес,
                             Жоокер сымал жолдуу жашап өткүм бар.

                             Муундарыма кубат толуп, күчү аптап,
                             Мурдагыдай он тепкичти үч аттап,
                             Жамалынан жаз жыттанган селкини,
                             Жашагым бар түбөлүккө кучактап.

                             Балким жаштык дагы далай кен ачат,
                             Балким өмүр дагы бир топ бел ашат,
                            Ай ким билет, айтор ушул күндөрү,
                            Yй күчүктөй бакма болгон жүрөгүм
                            Yмүттөрүн үзбөй жашап келатат.
Категория: ЖАШ МУУН| Көрүүлөр: 1263 | Кошкон: altynbek| Теги: | Деңгээл: 4.4/5 |
Жалпы билдирүүлөр: 3
3 aisalkyn   (23.10.2011 08:41)
Жыргалбек,талантына таазим!

2 нурила   (14.03.2011 18:32)
Биздин жергебизде, арабызда ушундай керемет соз гулдорун таап, аны эч кынтыксыз ырга салган калемгер бар болгону учун, мен ар качан сыймыктуу алкоолорду айткым келет. Калеминиз курчуй берсин! Аман болунуз!

1 Элдар Аттокур   (06.01.2010 11:01)
Кыргыз поэзиясынын эң таланттуу, алдына эч кимди чыгарбаган ушундай акыны бар экенине сыймыктанам. Дагы ушундай берметтей асыл ойлорду жараткан, талантыңа таазим. Бар бол Жыргалбек

 
Катталган гана адамдар билдирүү кошо алат.
[ Каттоо | Кирүү ]
Кирүү формасы
Издөө
Календарь
«  Июнь 2009  »
ДшШшШрБшЖмИшЖш
1234567
891011121314
15161718192021
22232425262728
2930
Архив
Өнөктөштөр