Дүйшөмбү, 20.11.2017, 06:06 Кош келиңиз! Конок | RSS
Ойгон!
Сайттын өзөгү
Бөлүмдүн категориясы
Мои файлы [11]
Маектешүү
200
Сурамжылоо
Сайтка баа бериңиз
Бардык жооптор: 437
Статистика

Учурда сайтта отургандар: 1
Коноктор: 1
Колдонуучулар: 0

МАЕКТЕР


Башкы бет» Файлдар» » Мои файлы

“КӨП ЫРЧЫНЫН ТЕКСТТЕРИН ЖИЛИКТЕЙМ!”
[ ] 26.05.2012, 16:25

Акын болуп калганыңыздын себеби эмнеде?    

– Ачык айтсам КЫСКА-НУСКА мен эми,

АКын болуп калганымдын себеби:  

АКыйкатты, АКыйкатты жазгын деп,  

Ал Кудайдын мага берген "БЕЛЕГИ”...  

–  Ачык кийинген кыздарды көргөндө ичиңизден эмнени ойлоп коёсуз?  

–  Көрсөтүшүп куйрук менен киндигин,

Кийим кийсе кыздар туурап бир-бирин...  

Айгинелеп жатышат го деп коём,

Акылы кем, жан дүйнөсү КИРДИГИН!    

–  Сиздин оюңузча, чыныгы эркектер кандай болушу керек?  

–  Жеңил-желпи камгак сымал делдектей

Жан бакпастан, жоону тоскон желдеттей  

ЭЛДИ, ЖЕРДИ, АР-НАМЫСТЫ туу тутуп,  

Эркек деген болуш керек ЭРКЕКТЕЙ!     

–  Азыркы сиз менен тең тайлашып чыгып келаткан акындардан өзүңүздү бийик  коёсузбу?  

–  Жок, ушинтип ойлогондон алысмын,

Жакшы жазган жаштар АРБЫН калыс, тың.  

Мен аларга атаандашпайм, тек гана

–  Мамлекет башчыларыбыздын дарегине коркпостон, алардын кылган       иштерине өзүңүздүн оюңузду ачык айта аласызбы?

– Жүрөксүнбөй, бүжүрөбөй, кысынбай,  

Жазып, айтып келем СЫНДЫ кышын-жай.  

Чыйт түкүрүп басып жүргөн жарабайт,  

ЧОҢ КУРСАКТАР элди эзсе ушундай?!

–  Алгачкы эт-бетиңизден кетип, кыйналган аруу махабатыңыз жөнүндө айтып  бербейсизби?

– Ээ, карындаш, эргип ээн баш сезимден,      

Эс-мас болгом, өрүк сымал эзилгем...     

Сүйүктүүмө үйлөнгөнмүн акыры,    

СҮЙҮП ЖҮРҮП тангычакты эсимден!  

– Азыркы учурда жүрөгүңүздү өйүгөн маселеңиз барбы?       

– Эч төрөлбөй РАЗЗАКОВДОЙ уулдары,          

Элдин зарлап, башын ташка урганы           

Эт жүрөктү өйүп келет жана да          

ЭНЕ ТИЛДИН жетимсиреп турганы!..      

–  Кыйынчылытарды кантип жеңесиз?         

– Үмүт, максат тегеренип канымда,            

Үзгүлтүксүз каршы сүзөм агымга...           

Үрөп жанды турмуш менен күрөшсөм,           

Үн угулат тээ түпкүрдөн: "БАГЫНБА!”              

–  Өмүрүңүздө элиңиз, жериңиз үчүн кандай пайдалуу иш кылдыңыз?       

– Колко кылып кылдай кызмат, жумушун,          

Кыйынсынып ТӨШ КАККАНДАР курусун!          

Эмгегиңдин мезгил өлчөп салмагын,          

Эл аныктайт БУРУШ менен ДУРУСУН...      

–  Улуу акындардан кимдин эмгегин баалайсыз?       

– Кимдин ыры күйүп КҮНДӨЙ, жалындай          

Келген болсо мезгилдерге багынбай,          

Бакыт конгон САПТАРЫНА суктанып,          

Баалайми аны көзгө сүртчү дарымдай.               

–  Кимге окшошкуңуз келет?      

– Өзгөлөрдү ырас, окуп, коштодум,          

Өзүмөбү, БИЛБЕЙМ кимге окшодум.          

 Мейли мыкты акын болбой калсам да,          

Мен ӨЗҮМӨ өзүм келет окшогум!     

–  Анда-санда ыгы келсе бөдөнөнүн сүтүнөн ууртап коёсузбу?    

 – Буулуктуруп кыйнаса да ИЧТЕГИМ,          

"Бөдөнөнүн сүтүн” такыр ичпедим.          

Ансыз деле МАСКА толуп кетти го,        

Айыл-кыштак, жадагалса Бишкегим!     

–  Той башкара аласызбы?       

– Той дейсиңби, ага сейрек баш багам,          

Тойгучакты ТОСТ уккандан чарчагам...          

Аш-той эмес, ашканада көп жүрчү,          

Азырынча АЯЛЫМДЫ башкарам!                

–  Кой соё аласызбы?      

– Дүйнөң түшкүр, АКЫН ЖОЛУ бийик бейм,          

Дүйнө кезген дербиштерди иликтейм...          

Кой сойгонго КОЛУМ барбайт, а бирок        

 Көп ырчынын тексттерин ЖИЛИКТЕЙМ!  

      

–  Балдарыңыз акын болуп чыкса, каршы эмессизби?       

– Жетет менин акын болуп калганым:          

Жетет менин КУЙКАЛАНЫП, жанганым!          

АПЕНДИНИН турмушуна кызыкпай,          

АКИМ болсун деп тилеймин балдарым...

                                          Маектешкен Жылдыз Мамбеталиева

/span>
Категория: Мои файлы| Кошкол: altynbek| Тегдер:
Көрүүлөр: 584 | Жүктөө: 0 | Билдирүүлөр: 1 | Деңгээл: 0.0/0 |
Бардык билдирүүлөр: 1
1 Айзат   (29.06.2013 16:22)
Саламатсыздарбы.Ушул жооп берилген ырлар мурда жазылганбы же ошол жерде жаралганбы?

 
Катталгандар гана билдирүү жаза алышат.
[ Каттоо | Кирүү ]
Кирүү формасы
Издөө
Өнөктөштөр