Алтынбек Исмаилов

ЖАШТАР ПОЭЗИЯСЫНЫН АНТОЛОГИЯСЫ ЖАРЫК КӨРДҮ

altynbek — Mon, 26 Dec 2011 03:15:55 GMT

26-декабрь, 2011-жыл

Акын Нурлан Калыбековдун долбоору боюнча «Кыргыз жаштар поэзиясынын антологиясы» биринчи жолу жарыкка чыкты. Бул көлөмдүү жыйнакка эгемендик жылдарында кыргыз адабиятына келип кирген жаш акындардын ар кыл темадагы ырлары топтоштурулду. Жалпысынан аталган топтомго жыйырма жаштан кырк беш жашка чейинки эл-журтка таанымал, ошондой эле, замандын оош-кыйыштарына байланыштуу китептери чыга элек, бирок мезгилдүү басма сөздө ырлары жарыяланып жүргөн 75 таланттуу жаш автор киргизилди.

ЮНУС ЭМРЕ КАЙРАДАН КЫРГЫЗЧА СҮЙЛӨДҮ

altynbek — Thu, 25 Feb 2010 06:34:17 GMT

2010-жыл, февраль

Жаш акын жана котормочу Алтынбек Исмаиловдун "Сүйүүнүн султаны Юнус Эмре” аттуу китебинин экинчи басылышы жарыкка чыкты.

Аталган китептин биринчи бөлүмү XIII кылымда жашап өткөн белгилүү түрк акыны Юнус Эмренин өмүрү жана чыгармачылык жолуна арналса, экинчи бөлүмү акындын ырларынын түрк тилиндеги түп нускасы менен алардын кыргызча котормосун камтыйт. Ошондой эле автор Юнус Эмренин дүйнө таанымын иликтөө максатында анын айрым ырларын талдоого алган.

Окурмандардын суроо-талабы боюнча "Бийиктик" басмасынан жарык көргөн бул китептин биринчи басылышы 2005-жылы жарыяланган болчу.

Китептин баасы 100 сом.

Тел: 0556 54-06-06

ТАШ КҮЗГҮ

altynbek — Sat, 09 Jan 2010 09:33:29 GMT

2009-жыл, ноябрь

Жаш акын Алтынбек Исмаиловдун "Таш күзгү" аттуу ыр жыйнагынын экинчи басылышы жарык көрдү.

Китеп кандайдыр бир даражада чоң дүйнөнү тааныткан таш күзгү сыяктанат. Ошол күзгүдөн соңку кыргыз коомунун турмушун көрөбүз, адалдыкка умтулган адамдын ыймандык чакырыгын угабыз, тили, дили кысылган кыргызды намыска чакырган жаш адамдын аруу дүйнөсүнө ортоктош болобуз. Айтор ар-намысты козгогон атуулдук ырлар менен сыбызгыдай сыздаган лирикаларды окугуңуз келсе, "Нуска" китеп дүкөнүнө кайрылыңыз. Ал эми бул жыйнакка кирген ырларды автордун өз оозунан угуп, кулак кумарын кандыргыңыз келсе, көркөм окулган ырларды тасмадан көрүп, жандүйнөңүздү биликтей жандыргыңыз келсе, анда аталган китептин жакында чыккан DVD дискин сатып алсаңыз болот.

Китептин биринчи басылышы 2008-жылы чыккан.

Байланыш тел.: +996 (556) 54-06-06 (моб), +996 (312) 54-19-43 (жум.)

БАКУНУ БАГЫНДЫРГАН АКЫНДАР

altynbek — Sat, 09 Jan 2010 09:27:07 GMT

"Эл сөзү" гезити, 10.11.2009

Өткөн аптанын аягында Баку шаарында "Тектеш түрк калктарынын VIII Эл аралык поэзия майрамы” белгиленди. Мындан бир жыл мурун 85 жаш курагында жарык дүйнө менен кош айтышкан белгилүү азербайжан акыны Бахтияр Вахабзаденин жаркын элесине арналган ыр кече үч күнгө созулду. Башкача айтканда, 30-октябрда баштылып, 1-ноябрда аяктаган бул майрамга Түркиядан 28, Азербайжандан 21, ал эми калган өлкөлөрдөн 30 га чукул акын катышып, өздөрүнүн эне тилинде көркөм ыр окушту. Өзгөчө Кыргызстандан барган кыргыз акындары Кыялбек Урманбетов менен Алтынбек Исмаилов үч күн бою Каспий деңизинин жээгинде кыргыздын ырын жаңыртып, жүзүн таанытып, алардын баалуу мурастарын даңазалагандан чарчашкан жок.

Түркия Республикасынын жузуучулар союзу уюштурган бул Эл аралык поэзия кече салттуу түрдө эки жылда бир жолу дүйнөнүн ар кайсы өлкөлөрүндө өткөрүлүп турат. Тактап айтканда, буга чейин кезеги менен Түркия, Түркмөнистан, Казакстан, Крым, Кипр, Македония жана Францияда белгиленген "Тектеш түрк калктарынын Эл аралык поэзия майрамынын” тогузунчусу 2011-жылы Косовада өтмөкчү.

ПОЭТЫ ТЮРКСКОГО МИРА В ЭЛАЗЫГЕ

altynbek — Sat, 09 Jan 2010 09:25:21 GMT

ТЮРКСОЙ

25-28 июня 2009 года в г.Элазыг (Турция) при тесной поддержки ТЮРКСОЙ состоялся XVII Международный Вечер Поэзии Хазар. Участниками XVII Международного Вечера Поэзии Хазар стали поэты и писатели из Турции, Азербайджана, Туркменистана, Кыргызстана, Казахстана, Узбекистана, Турецкой Республики Северного Кипра, Ирана, Косово, Румынии, Монголии, Македонии, Болгарии, Албании, Республики Алтай (РФ), Республики Кабардино-Балкария (РФ), Крыма, Западной Тракии, Гагаузии (Молдова), восточного Туркистана, Керкюка и ряда других регионов и стран.
XVII Международный вечер поэзии Хазар был организован Губернаторством г. Элазыг при сотрудничестве и поддержке ТЮРКСОЙ, Министерства культуры и туризма Турецкой Республики, ТИКА, Высшим Комитетом языка и истории им.Ататюрка.
Международный вечер поэзии Хазар широко известен среди литераторов Тюкского мира как мероприятие международного масштаба. Первый вечер поэзии Хазар - который был назван в честь известного своей природной красотой озера Хазар - состоялся 5 декабря 1992 года. С первого мероприятия было решено проведение этих Вечеров в честь памяти выдающихся творцов Тюркоязычной поэзии и литературы. Так, XV Вечер Поэзии Хазар был посвящен Чингизу Айтматову, в котором принял участие сам писатель, а VXI Вечер поэзии проведенный 9-11 октября 2008 года был посвящен одному из великих поэтов Тюрксого мира Бахтияру Вахабзаде. В этом году организационный комитет принял решение посвятить Международный Вечер Поэзии Хазар в честь великого поэта Турции Неджипа Фазыла Кысакюрека. В празднике поэзии наряду с такими именитыми мастерами пера, как Джемал Сафи, Нуреттин Гендж и Искендер Пала участвовали поэты и литераторы Галибе Гаджиева, Эльчин Искендерзаде и Эшгане Бабаева (Азербайджана), Алтынбек Исмаилов и Есентур Кылычев (Кыргызстан), Болат Сагындыков и Алмас Темирбай (Казахстан), Айшегюль Динчбаш и Айшен Даглы (Турецкая Республика Северного Кипра , Ерол Туфан и Славе Димоске (Македония), Долгорма Саинбаяр (Монголия), Хасан Ахмед (Румыния), Тюркеш Авшарлы (Иран), Екатерина Ганева (Гагаузия), Фарида Афруз (Узбекистан), Махум Розиева (Туркменистан), Шемседдин Кузечи (Керкюк), Муталип Беппаев (Кабардино-Балкария) и Чолпан Четин (Татаристан).
На вечере обладатель третьего места на олимпиаде по турецкому языку 2008 года Долгорма Шаинбаяр из Монголии прочитала стихотворение Неджип Фазыл Кысакюрека «Сакарья», которая удостоилась зрительских аплодисментов. Жители Элазыга предоставилась прекрасная возможность познакомиться с творчеством известных поэтов, писателей и литераторов из различных стран мира.
Приехавший на XVII Международный Вечер Поэзии Хазар Генеральный Директор Дюсен Касеинов выступил на официальном мероприятии открытия, участвовал в праздничном шествии по городу и встретился с поэтами Тюркского мира. XVII Международный Вечер Поэзии Хазар завершился гала вечером на берегу озера Хазар, в селении Сивридже.

Эльчин Гафарлы

www.turksoy.org.tr

ЖАШ АКЫН АЛТЫНБЕК ИСМАИЛОВ СТАМБУЛГА ПОЭЗИЯ МАЙРАМЫНА БАРАТ

altynbek — Sat, 09 Jan 2010 09:21:15 GMT

Дүйнө маданияты

22.08.2007

Фатима Абдалова

"Азаттык" үналгысы

Жаш акын Алтынбек Исмаилов түрк тилдүү акындардын 24-августта баштала турган эл аралык поэзия күндөрүнө катышуу үчүн Стамбулга жөнөгөн жатат. Жаш акындын ырларында Атажуртка боор толгогон аруу сезим басымдуу. Жаш акын Алтынбек Исмаилов Стамбулга – дүйнө акындарынын эл аралыкк поэзия күндөрүнө сапар алуунун алдында "Азаттыкка” төмөнкүдөй ой бөлүштү:

- Мага Стамбулдан бул поэзия күндөрүнө чакыруу бир ай мурда келди. Өзүм каалаган эки ырдын котормосун, сүрөтүмдү жана өмүр баянымды сурашыптыр. Себеби Түркиянын бул поэзия күндөрүн уюштуруучулар биз барганча катышуучулардын ырларынан турган жыйнакты китеп кылып чыгарып коюшат экен. Ошентип, бул дүйнөлүк поэзия күндөрүндө кыргыз ырларын окуганы баратам.

Алтынбектин ырларында чукул ойлор, чукул салыштыруулар арбын. Жаш акындын ырларында жаңыча ой айтууга аракеттенгени байкалат. Мисалы, "Үшүп турган үмүттү күнгө кактап”, "Алданып көрокаттын жупкасына, айрымдар жүгүн артты журт башына” же "Жаным сыздайт, бүт мөмөсүн силкип салган дарактай” же болбосо "Кандай бакыт көз ирмемге тазаруу” деген сыяктуу саптар таамай жана сүрөттүү... Окурманды кыйла ойго салганга дараметтүү ойлор...

Секирем бийиктикке термелип мен,
Себебин билесиңби эмнеликтен?
Кайчылап кайталанма турмушумду,
Кутулгум келет менин пенделиктен.

"Жаным сыздайт”

Тырмап ойлор көкүрөктү тарактай,
Туталанам тытылган бир барактай,
Билбейм неге жаным сыздайт мынчалык,
Бүт мөмөсүн силкип салган дарактай.

Жаш акын Алтынбек Исмаилов буга чейин ХIII кылымдагы түрк акыны Юнус Эмренин ырларын которуп, "Сүйүүнун султаны Юнус Эмре” деген аталышта китеп кылып чыгарган. Ошондой эле ХIII кылымдагы белгилүү акын Желаледдин Руминин ырларын которуп жүрөт.

Удургуп түркүн ойлор каптайт улам,
Ушундай кең ааламга батпай турам,
Жанымды камыр кылып ийлесем да,
Жарыктык мен өзүмдү таппай турам...

Издебедим бак-таалайды базардан,
Издебедим ыйык жайдан, мазардан,
Көкүрөктү кир сезимден арылтып,
Кандай бакыт көз ирмемге тазарган

-Алтынбек ырларды тек гана уйкаштыра бербейт. Анын ар бир ырында ой бар. Анын ырларында атажуртка, улутка болгон патриоттуулук күчтүү,-дейт кыргыз эл жазуучусу Көчкөн Сактанов Алтынбек Исмаиловдун ырларындагы патриоттулукту белгилеп.