Дүйшөмбү, 19.02.2018, 05:36 Кош келиңиз! Конок | RSS
Ойгон!
Сайттын өзөгү
Бөлүмдүн категориясы
ЖАШ МУУН [15]
ОРТО МУУН [14]
УЛУУ МУУН [36]
Маектешүү
200
Сурамжылоо
Сайтка баа бериңиз
Бардык жооптор: 438
Статистика

Учурда сайтта отургандар: 1
Коноктор: 1
Колдонуучулар: 0

Кыргыз акындары


Башкы бет» 2009 » Июнь » 10 » Манас АЛЫМБАЕВ
Манас АЛЫМБАЕВ
15:47

        Чаңгеттин чабандеси


Аян кылды Теңирим мага сырды,
Оо устаттар, суутуп бер атымды.
Жылкычы уулу болгон соң, чабам бүгүн,
Кентаврды, а түгүл Пегасыңды.

Кана, достор, калдайып турбагыла,
Ач айкырык, :калпакты булгагыла.
Эски адатты таштайлы. Менин муунум,
Тулпарымды туякка урбагыла!

Жаным кыздар, жалжылдап күлө-күлө,
Жалгыз аттын дүбүртүн сүрөгүлө.
Чаап баратып чалмамды салып өтөм,
Жүгөндөтпөй туйлаган жүрөгүңө.

Оонаганы журтуна чоң атамын,
Күт Чаңгетим күч үрөп баратамын.
Кайып болуп кетээрде ат жалынан,
Ата-Журттун намысын талашамын.

Мээнет кылып атамды багам дечү,
Мезгил жетсе чындыкты чабам дечү.
Туулган жери туйлатып Парнас көздөй,
Тизгин какты Чаңгеттин чабандеси!

 

            Эх, атаман кара кыз

 

Көрсө ал кезде балабыз да, балабыз,

Көч-көч ойноп Көбүргөнгө барабыз.

Биздин көчтү бир муштумдап башкарчу,

Сен атаман, сексеңдеген кара кыз.

 

Эх, ошондо, ойноокпуз да, ойноокпуз,

Кеч бешимде келин алмай ойноппуз.

Сен төрөйсүң, ата болом, а бирок,

Баëлук ай, бир өбүшүп койбоппуз...

 

Кара кызым, сексеңдегим – атаман,

Кайда калган сен алчу күн жакадан.

Сага окшош деп, мага окшош деп жүрчү элек,

Балдар кайда, биз эринбей жасаган?

 

Бүгүн сени сагынам оо, сагынам,

Же кара кыз агардыңбы багыңан?

А мен жүрөм үмүт үзбөй жол карап,

Бетимдеги тырмагыңдын тагынан...

Категория: ЖАШ МУУН| Көрүүлөр: 909 | Кошкон: altynbek| Теги: | Деңгээл: 0.0/0 |
Жалпы билдирүүлөр: 0
 
Катталган гана адамдар билдирүү кошо алат.
[ Каттоо | Кирүү ]
Кирүү формасы
Издөө
Календарь
«  Июнь 2009  »
ДшШшШрБшЖмИшЖш
1234567
891011121314
15161718192021
22232425262728
2930
Архив
Өнөктөштөр